وطن يأكل ناسه
لا أريد أن أصدق أن هذا النظام الحكيم بقيادته الحكيمة يريد اصلاحا حقيقيا أو حتي كدة وكدة ربما كان هذا محض افتراء مني وكفر بالنعمة التي يغرقنا النظام فيها _ أي والله يغرقنا يغرقنا يعني _ لكنك لو كنت معي أمام محكمة شبين الكوم أثناء محاكمة طلاب الاخوان لكان رأيك من رأيي إن لم يكن أكثر تطرفا حيث رفضت المحكمة إستئناف الطلاب لقرار حبسهم وأيدت قرار النيابة ولكن هل تدري ياصديقي لماذا يحاكم هؤلاء وبأي ذنب يضيع مستقبلهم ؟؟!! كل هذا لأنهم كانوا يعتزمون إقامة حفلا يقيمونه كل عام ولايخرج عن بعض الأغاني الدينية يلقيها الطلاب ويادار مادخلك شر ، فهم لايهاجمون النظام ولايخططون لقلب نظام الحكم ولم يغرقوا عبارة ولم يهربوا أموال الناس ولم يأكلوها بالباطل ولم يحرقوا قطارات .... إلي هذا الحد وصل هذا النظام المتآكل وإلي هذا الحد ذهبت حمرة الخجل إلي الجنة فلم يعد يتحي من فرد عضلاته علي عدد من الطلاب الغلابة والأطفال _ بعضهم لايزال في أولي جمعة _ الأزمة ليست هنا إنما في بكاء الأمهات الثكلي علي أبنائهم والخائفات علي هؤلاء الضعفاء ممن لايرحم لو رأيتهن وهم يبكين بحرقة ومرارة وخوف لبكيت معهن الضرورة طالما احتوي قفصك الصدري علي قلب يخفق ولو رايت الطلاب وهم خارجون من باب المحكمة والكلابشات في أيديهم تماما كالمجرمين للعنت السياسة ومتطلباتها إن كانت كلها كذلك ولئن سمعت صوتهم يجلجل بحسبنا الله ونعم الوكيل لخفت علي نفسك من انتقام الله رغم انك لا ناقة لك فيما يحدث ولاجمل . لكن أحد مخبري أمن الدولة مال علي بعدما تعرف علي شخصيتي وبعد أن تلفت يمينا وشمالا وقال لي بصوت خائف مفزوع وبالحرف الواحد " والنبي تقفوا مع العيال دية لحسن دول مظلومين ظلم جامد وحرام والله اللي بيحصلهم ده .. هم يعني كانوا عملوا ايه " ثم تركني مسرعا بعدما راي أحد الضباط مارا بجواره ... هذا الموقف غير لي كثيرا من أفكاري التي بنيتها عن كل العاملين بهذا القطاع المسمي تجاوزا بأمن الدولة فقد لمست أن هناك من بينهم اناسا ساخطين علي مايحدث لكنهم مطحونين ومقهورين مثلنا تماما وربما أكثر بعدما كنت أراهن علي أنهم يستئصلون قلب كل من يعمل في هذا القطاع
لاأريد أن أصدق ماقاله لي أحد أصدقائي وإن كنت متأكدا من صدقه بأنهم وأثناء مداهمة الجامعه أدخلوا أحد الطلبة إلي البوكس وبتفتيشه وجدوا معه كمية من البانجو فأنزلوه من البوكس وقالوله إحنا مش عايزينك انت !!!!! هل تصدق هذا أم أن عقلك المحدود زي حالاتي ليس بامكانه أن يفهم مايفعله هؤلاء من أصحاب العقل الكبييييييييييير ؟
i have no thing
to say it
.
.
.
.
.
.
go back TAmer
Posted by
Haitham Abu Akrab |
April 23, 2007 at 9:03 AM
عزيزى ملك الغابة
البلد دى مش بتاكل عيالها لأ دة كمان اللى ما بيتاكلش فيهم يتطردة برة أرضها
والنبى ما تقلب على الواحد المواجع
دمت بخير
Posted by
kaed |
April 23, 2007 at 4:15 PM
انا كنت بس عايزه اعقب على نقطتين
اولا المخبر اللى كلمك ده انا بعتبر ان عنده نوع من الازدواجيه اصل الشخص السلبي على الظلم عمره مابيكون ضحيه
كل واحد عنده اراده لو فيه شيء غلط اضعف الايمان انه ميكونش جزء منها
يعنى تقدر تقوللى المخبر ده لو الظابط طلب منه يضرب واحد من الطلبه دول هيرفض ؟؟؟
وهيقوله لا ياباشا ده مظلوم
اكيد لا .. وحجته فى كده ان ده اكل عيشه مع ان اللى بيرزق ربنا
لو متمسك بالحق فعلا فالاولى انه يخاف من ربنا مش من عبد لله لايملك له الا اللى ربنا كاتبه
تانى حاجه الجزء الاخير بتاع صاحبك اللى لقوا معاه مواد مخدره بصراحه ادهشنى
ومش عارفه الدهشه دى جاتلى منين مع انى كتير سمعت عن التعاون المشبوه بين بعض افراد الشرطه وتجار المخدرات
الا انى متخيلتش ان الفساد وصل لكده
ربنا يرحمنا الايام اللى جايه
معذره على الاطاله
Posted by
عالمى ازرق |
May 8, 2007 at 7:08 AM
ازيك يا تامر ايه الاخبار ايه يا عم تيجى تخبط فى مدونات الناس وتمشى كده
لاء يا سيدى لسه ما لقتوش
يعنى انت بقى اللى لاقيه اوى ادخل عندك برضه الاقيك بتدور انت كمان
اهو مش كده ولا ايه
Posted by
دعاء عادل |
May 18, 2007 at 9:58 PM
هنيئا لتجار البانجو
Posted by
-_- |
May 21, 2007 at 5:41 AM